تعبت
والله وتعبت يا قلبى
خلاص مش قادر اخبى
كل يوم ف عذابى وغلبى
يارب انت اللى عالم بى
الجرح والغدر صابنى
الفرح مش جاى دربى
لامتى هفضل اخبى
خلاص فاض صبرى
ولا شوفت الهنا عمرى
حزين مجروح من صغرى
مكتوبى هو ده وقدرى
الحزن عليا دايما يجرى
دايما عن معاده جاى بدرى
لفين اهرب انا ولا اجرى
دا الحزن قسم ضهرى
الضحكة ممنوعة من صغرى
وشايل انا همى على صدرى
حتى النار ف قلبى بتغلى
آه يا مرارى انا وغلبى
بكفاية يا عذاب ارحمنى
ولا انت عايز تدمرنى
كفاية حزنى اللى كسرنى
وعمرى كمان بالهم حيرنى
والله وتعبت يا قلبى
خلاص مش قادر اخبى
كلمات حزينة حائرة
كتبها شاعر الجنوب
ياسر محمد ايوب
ليست هناك تعليقات:
إرسال تعليق