الأراجوز
********
أراجوز
أنا الأراجوز
في الهم أنا مغروز
عامل حاوي وفعرؤلوز
بضحك كل الناس
وأعمل منفعة
تعمل طرقعة
في الوسط المهزوز
علشان إيه
علشان أنا الأراجوز
أراجوز النوز كابن النوز
********
طول عمري بقول
بلاش منظرة
بلاش حركات
بلاش مسخرة
مابتصدقونيش
واللي يصدقني
يعمل نفسه مبيصدقنيش
سايق الهبل علي الشيطنة
بس علي مين
ده أنا الأراجوز
أراجوز النوز كابن النوز
********
أراجوز
لابس طربوش
أحمر وبزر
أتعايق بيه وأهز
إنما إيه
راسي تحت الطربوش كنز
أقول حكم وألغاز
تسمعها تخاف وتهر
عارفين ليه
علشان أنا الأراجوز
أراجوز النوز كابن النوز
********
فاهم كل حاجة
وبقضي يومي علي مفيش
وفاهم في السياسة
ومبحبهاش
و متعجبنيش
بهرب منها علشان أعيش
المهم نضحك ونفرفش
خلي القاعدة
قاعدة حرافيش
مش كده أحسن للأراجوز
أراجوز النوز كابن النوز
********
كلمات بسيوني صديق
ليست هناك تعليقات:
إرسال تعليق