عشم إبليس
***********
كلمات/علاء أحمد عبدالنبي
**************
بتخوني وتغدر بيا
وتبكي كمان عنيا
ولسة بتقولي شاريني....
وعايزين كمان أستنا
دا عشم إبليس فى الجنة
والله دا كان على عيني...
ليك عين تتكلم تاني
يا سبب دمعي وأحزاني
بعد ما قلبك رماني
جاي فى جراحي تتشفا...
كنت إنت كل حبي
وإنت الوحيد فى قلبي
بعد ما قلبك غدربي
أنا قلبي خلاص إستكفا....
بتخوني وتغدر بيا
وتبكي كمان عنيا
ولسة بتقولي شاريني...
وعايزني كمان أستنا
دا عشم إبليس فى الجنة
والله دا كان على عيني
مش ممكن تاني أرجعلك
ولا أفكر ثانية أسمعلك
ولا دمع الكون يشفعلك
بعد اللي عملته معايا...
دا البعد عنك نعمة
والحب يا روحي قسمة
بس خلاص ولا كلمة
إنت كتبت النهاية.....
بتخوني وتغدر بيا
وتبكي كمان عنيا
ولسة بتقولي شاريني...
وعايزني كمان أستنا
دا عشم إبليس فى الجنة
والله دا كان على عيني....
ليست هناك تعليقات:
إرسال تعليق